Sorteo pescadeRías en Facebook

As persoas afortunadas no sorteo do mes de xullo foron Bea González Gil, Cédar Espido e Conchi Bravo Cores, ás que lles corresponde un kit de material para a compra e cociña: bolsa da compra, libreta, bolígrafo, camiseta, mandil e manopla. Parabéns!

O día 15 publicaremos o sorteo do mes de agosto, infórmate na nosa web ou páxina de Facebook, e participa!

A receita do mes

Guiso de sardiñas escochadas                    O verán é a mellor época para consumir peixe azul. Animámoste a poñerte diante dos fogóns e preparar esta receita sinxela e saborosa, que nos achega o GALP Ría de Pontevedra, da man  do Restaurante A Taberna de Alvariñas, de Combarro (Poio).

Preme aquí para ver a receita. Se queres que publiquemos a túa receita, envíanola por correo-e, indicando ingredientes, elaboración e unha foto.

Plan piloto de etiquetado individual

Desde agosto ata outubro realizaremos unha experiencia piloto de etiquetado individual de peixes, coa colaboración da Confraría de Portonovo. Está previsto formar ás tripulacións de cinco embarcacións para que se encarguen do etiquetado individual das súas propias capturas. As persoas participantes recibirán asesoramento e titorización durante todo o proceso, e realizarase unha avaliación de resultados que permitirá realizar melloras de cara ampliar o plan piloto a outros usuarios.