A marca pescadeRías. ¿de onde se non? estivo presente no Galician Cinema & Food Festival que se celebrou do 28 de xuño ao 02 de xullo en Nova York. Un festival de promoción do cinema e a gastronomía de Galicia, onde os produtos certificados pescadeRías formaron parte das elaboracións dos cociñeiros Fran Novás e Rogelio García de Tomiño Taberna Gallega.

O público, composto por persoas procedentes do mundo da comunicación e da industria da distribución, puido degustar conservas certificadas de Conservas de Portomar e de Conservas La Brújula. Ademais, estas dúas empresas participaron na Feira Fancy Food Show no Javis Center en Manhattan. Aquí podes ver unha noticia sobre o evento publicada en La Voz de Galicia e aquí fotos da xornada.

A ostra rizada (Crassostrea gigas), poderá ser comercializada baixo o selo pescadeRías, ¿de onde se non?.

Trátase dunha especie robusta, que tolera un amplio rango de condicións ambientais e que aparece fixada sobre susbtratos duros como rochas, pedras soltas ou restos de cunchas. As súas valvas son sólidas e moi rugosas, a inferior profundamente cóncava e a superior lixeiramente convexa. Tenden a ser oblongas, sendo 60 mm a súa talla mínima de captura.

Do 6 ao 8 de xullo, a marca pescadeRías, ¿de onde se non? estará presente no VII Encontro da Artesanía Tradicional e Popular de Galicia. Artesáns, expositores de produtos gourmet, obradoiros, música e showcookings con grandes cociñeiros/as serán os protagonistas do Corazón de Artesanía de Agolada. Os produtos certificados serán presentados por Héctor López do restaurante España e María Varela, do restaurante A Parada das Bestas.

Consulta o programa.

Do 7 al 10 de xuño estivemos no Salón de Alimentación do Atlántico – SALIMAT-ABANCA coa aula de catas no stand da Consellería do Mar. As empresas Mariscos Laxe de Rons e Porto de Cambados S.L. tiveron a oportunidade de facer a presentación dos seus produtos durante as demostracións de cociña en directo. Entre outros, asistiron importadores de máis de dez países e blogguers gastronómicos e de turismo de Galicia. Como maestros de ceremonias, Emma Pinal, Criselda Iglesias e José Manuel Mallón. Aquí podes ver un vídeo.

O 14 e 15 de xullo celebraranse en Cambados as XVII Xornadas de Exaltación da Vieira organizadas por Porto de Cambados S.L., coa colaboración da Confraría de Cambados e a Consellería do Mar, entre outras entidades. As Xornadas de degustación, protagonizadas por vieira certificada, levaranse a cabo baixo a batuta dos cociñeiros Diego López, Manuel Garea, Fran Sotelino e María Varela. Festa declarada de Interese Turístico Galego. Descarga aquí o cartel.

En xullo o polbo galego regresou de novo ás lonxas tras unha veda de 6 semanas. Tamén regresaron este mes nécoras e lumbrigantes, en veda dende o 5 de xaneiro.

Por outra banda, dende o 30 de xuño non se poden capturar centolas nin bois en toda Galicia. Ámbalas dúas especies estaban abertas entre Estaca de Bares e a desembocadura do Eo, tras pechar no resto das zonas o pasado 23 de xuño.

Cada vez son máis as confrarías de pescadores que apostan pola extracción do rabioso (Glycimeris glycimeris), do cal se levan comercializado este ano preto de 3000 kilos entre as lonxas de A Illa, Cambados e Muros. Este bivalvo, capturado mediante marisqueo a flote como acompañante a outras especies, é certificable polo selo pescadeRías, ¿de onde se non?. Aquí podes ver un artigo relacionado publicado en La Voz de Galicia.

Importadores de máis de 10 países visitaron a fábrica de Conservas La Brújula, certificada polo selo pescadeRías, ¿de onde se non?, para coñecer as súas instalacións e os procesos de elaboración dos seus produtos. A visita tivo lugar no marco dunha misión comercial inversa en colaboración co Clúster Alimentario de Galicia.

Impartimos unha charla informativa sobre a marca pescadeRías, ¿de onde se non? á Asociación do Sector Turístico Finisterre que ten entre os seus obxectivos promover a pesca artesanal sostible. Tres dos seus membros, adheríronse á marca: Restaurante O Peirao, Restaurante Rombos e Marisquería A Palaxa. Benvidos!!

Frigoríficos de Camariñas, S.L. renovou a súa certificación para o selo pescadeRías, ¿de onde se non?. A empresa, adicada á conxelación e distribución de polbo, etiqueta baixo a marca o produto galego procedente de lonxas certificadas, que volve a estar presente no mercado tras o remate da veda a primeiros deste mes de xullo.

Publicada a RESOLUCIÓN do 19 de xuño de 2018 pola que se convocan eleccións para a renovación dos órganos reitores das confrarías de pescadores de Galicia, incluídas as súas agrupacións sectoriais, e das súas federacións e o DECRETO 64/2018, do 7 de xuño, polo que se modifica o Decreto 8/2014, do 16 de xaneiro, polo que se regulan as confrarías de pescadores de Galicia e as súas federacións.

Distribuidores de peixe e marisco e minoristas que mercan os seus produtos na Lonxa de Ribeira, actualmente en proceso de certificación, participaron nunha charla informativa sobre o selo pescadeRías, ¿de onde se non?.

Por outra banda, o persoal da Confraría de Cabo de Cruz, recibiu formación en Hixiene Alimentaria e Manipulación de Alimentos.

O ameixón (Callista chione) é un bivalvo de grande tamaño pouco coñecido na nosa gastronomía pero que se extrae nas nosas rías e podemos atopar baixo o selo pescadeRías, ¿de onde se non?.

O chef José Manual Mallón fainos esta refrescante proposta de preparación que vos animamos a probar coa que seguro sorprenderedes aos vosos convidados. Para ver a receita preme aquí.